قصيده لشاعر مخلد الحجيري

قصيده لشاعر مخلد الحجيري

قالوا غيابك طال!! وين أنت عنّـا
قلت السموحه ظرف وقتي عصاني

جريّت أنا من قاسي الوقـت ونّـا
ونة عزيزٍ ضـاق فيـه الزمانـي

قلبي عليـه الجـرح يامـا تغنّـى
وصرخت صرخه من صميم المحاني

على الـذي بالهجـر فينـي تجنّـا
حسبي عليه اليوم سبـع وثمانـي

كنّه غريـب منتحـي عـن وطنّـا
ما كنّه اللي فـي حياتـي هوانـي

لكـن دامـه راح جعلـه تهـنّـى
جعله يحقق بعدي أغلـى الأمانـي

دامه في بعدي كفّـه اليـوم حنّـا
بأنساه يومه فـي حياتـي نسانـي

مابيه يذكـر كيـف وشلـون كنّـا
مادام قلبي عـن غرامـه نهانـي

السن ضـدّه فـي المعاديـل سنّـا
واللي يخون العهـد مالـه أمانـي

كانه رخيص يشـوف حنّـا ثمنّـا
غالي ولا أحدن ياصلـه بالبنانـي

ترى الـذي بيـن المخاليـق دنّـا
يعيش طول العمـر للـراس دانـي

لا خانتـه دنيـاه لا يقـول خـنّـا
ماخانـه إلا طبعـه اللـي أنـانـي

لا يكثـر الهوجـاس ويزيـد ظنّـا
لا مابغيت إلا الـذي هـو يبانـي

خلوّه يرحل يغتـرب عـن وطنّـا
مابيه مـا أبـي شوفتـه بالعيانـي

مشكووووووووووووووور اخي على الموضوع

مشكووووووووووووووور اخي على الموضوع

شكوووووووووووراخي على الموضوع

مشكووووووووور اخوي على الموضوع وما قصرة سلمة يداك

» اجمل قصيده لعبد الرحمن الغيثي